RTE చట్టం 2009, 2024-25 సంవత్సరానికి సెక్షన్ 12(1)(C) ప్రకారం, ఆంధ్రప్రదేశ్‌లోని ప్రైవేట్ పాఠశాలల్లో మొదటి తరగతి సీట్లలో 25% పిల్లలకు రిజర్వ్ చేయాలి.
- అనాధ పిల్లలు
- SC,ST,BC మైనారిటీ పిల్లలు
- గ్రామాల్లో సంవత్సర ఆదాయం 1.2 లక్షలు, పట్టణాల్లో 1.44 లక్షలు లోపు ఉన్న OC పిల్లలు
పిల్లల వయసు ఎంత ఉండాలి ?
- IB/ICSC/CBSE సిలబస్‌ని అనుసరించే ప్రైవేట్ పాఠశాలల్లో నమోదు చేయడానికి, 01.04.2024న లేదా అంతకు ముందు పిల్లలకి 5 సంవత్సరాలు నిండి ఉండాలి.
- రాష్ట్ర సిలబస్‌ని అనుసరించే ప్రైవేట్ పాఠశాలల్లో ప్రవేశానికి, పిల్లల వయస్సు 01.06.2024 నాటికి 5 సంవత్సరాలు నిండి ఉండాలి.
RTE 2024-25 ముఖ్యమైన తేదీలు :
- పాఠశాలలు రిజిస్ట్రేషన్ తేదీలు : 05.03.2024 నుంచి 25.03.2024
- విద్యార్థుల రిజిస్ట్రేషన్ : 22.03.2024 నుంచి 10.04.2024
- GSWS డేటా ప్రకారం విద్యార్థుల డేటా పరిశీలన : 13.04.2024 నుంచి 17.04.2024
- 1st రౌండ్ లాటరీ రిజల్ట్ : 18.04.2024
- పాఠశాలల్లో పిల్లల జాయినింగ్ Confirmation : 19.04.2024 నుంచి 25.04.2024
- 2nd రౌండ్ లాటరీ రిజల్ట్ : 29.04.2024
- పాఠశాలల్లో పిల్లల జాయినింగ్ Confirmation : 01.05.2024 నుంచి 05.05.2024
RTE 2024-25 రిజిస్ట్రేషన్ ఎలా చెయ్యాలి
దరఖాస్తు నమోదు ప్రక్రియకు విద్యార్థి ఆధార్ నంబర్ అవసరం. విద్యార్థికి ఆధార్ నంబర్ లేకపోతే, వారి తల్లి, తండ్రి లేదా సంరక్షకుల (తల్లిదండ్రులు లేని అనాథ పిల్లల విషయంలో) ఆధార్ నంబర్‌ను ఉపయోగించి రిజిస్ట్రేషన్ చేయవచ్చు.
STEP 1:
ఇక్కడ క్లిక్ చేసి, “రిజిస్టర్” ఎంచుకోండి. నమోదు చేసుకోవడానికి, రిజిస్ట్రేషన్ సమయంలో విద్యార్థి లేదా తల్లి లేదా తండ్రి లేదా సంరక్షకుడు తప్పనిసరిగా BPL కుటుంబం అయి ఉండాలి, అప్పుడే రిజిస్ట్రేషన్ సాధ్యమవుతుంది.
STEP 2:
మీరు నమోదు చేసుకున్న తర్వాత, మీ మొబైల్ నెంబర్ కు User Name & Password లు వస్తాయి.Change Password చేసుకోవాలి.
STEP 3:
లాగిన్ అయిన తరువాత విద్యార్థి లేదా తల్లి తండ్రి లేదా సంరక్షకుల ఆధార్ నెంబరు ఎంటర్ చేసి GO పై క్లిక్ చేస్తే GSWS Server లొ ఉండే డేటా అనగా పేరు , జిల్లా పేరు ,మండలం పేరు,పంచాయతీ పేరు, మొబైల్ నెంబరు,చిరునామా వస్తాయి. మొబైల్ నెంబర్ ను ఎడిట్ చేసుకునే అవకాశం ఉంటుంది. రిజిస్ట్రేషన్ సమయంలో ఏ నెంబర్ అయితే ఇస్తారో ఆ నెంబర్ మాత్రమే ఇక్కడ ఎంటర్ చేయవలసి ఉంటుంది.
STEP 4:
ఇతర వివరాలు అనగా PIN Code, E-Mail, DOB, Age, Gender, Religion, Caste, Rice Card Number ( Weaker Section వాళ్లకు తప్పనిసరి) ఎంటర్ చేయాలి.
STEP 5:
విద్యార్థి వయస్సు ఐదు మరియు ఆరు సంవత్సరాల మధ్య ఉండాలి.
- పిల్లల వయస్సు 01.04.2024కి ముందు ఐదేళ్లు దాటితే CBSE, ICSE, IB లేదా రాష్ట్ర పాఠశాలలు అందుబాటులో ఉంటాయి.
- పిల్లల వయస్సు 01.06.2024కి ముందు ఐదేళ్లు దాటితే రాష్ట్ర ప్రభుత్వ పాఠశాలలు మాత్రమే అందుబాటులో ఉంటాయి.
STEP 6:
విద్యార్థి పాఠశాలకు హాజరయ్యే తోబుట్టువులు ఉన్నట్లయితే, “YES” ఎంచుకుని, వారి పాఠశాల యొక్క UDISE కోడ్ మరియు ఆధార్ నంబర్ ఎంటర్ చేయాలి.
STEP 7:
విద్యార్థికి ఏవైనా ప్రత్యేక అవసరాలు లేదా వైకల్యాలు ఉంటే లేదా HIV/AIDSతో బాధపడుతున్నట్లయితే లేదా అనాథ అయితే, అవసరమైన వివరాలను ఎంటర్ చేయాలి.
STEP 8:
రిజిస్ట్రేషన్ సమయంలో అందించిన చిరునామా తప్పుగా ఉంటే, మీరు ఈ క్రింది రుజువులలో ఒకదాన్ని అప్‌లోడ్ చేయడం ద్వారా దాన్ని అప్‌డేట్ చేయవచ్చు:
ఆధార్ కార్డ్, ఓటర్ కార్డ్, కరెంట్ బిల్లు, టెలిఫోన్ బిల్లు, వాటర్ బిల్లు, ఇంటి పన్ను రసీదు, డ్రైవింగ్ లైసెన్స్, ఇంటి అద్దె ఒప్పందం కాపీ, రేషన్ కార్డ్, ఉద్యోగి సర్టిఫికేట్
మీరు రిజిస్ట్రేషన్ ప్రక్రియను పూర్తి చేసిన తర్వాత, మీరు SMS ద్వారా అప్లికేషన్ ID మరియు పాస్‌వర్డ్‌ను SMS రూపంలో వస్తుంది. ఆ డేటా Save చేసుకోండి .
Web Options ఎలా ఎంచుకోవాలి:
నమోదు ప్రక్రియ ప్రకారం, విద్యార్థి లేదా తల్లి లేదా తండ్రి లేదా సంరక్షకుల చిరునామా ఆధారంగా క్రింది పాఠశాలలు ప్రదర్శించబడతాయి:
- విద్యార్థి లేదా తల్లి లేదా తండ్రి లేదా సంరక్షకులు ఉన్నటువంటి చిరునామా నుంచి ఒక కిలోమీటర్ పరిధిలో ఉన్న పాఠశాలలో కనిపిస్తాయి.
- పాఠశాలల సంఖ్య 10 కన్న తక్కువ ఉన్నట్టయితే అప్పుడు మూడు కిలోమీటర్ల పరిధిలో ఉన్నటువంటి పాఠశాలల లిస్టు చూపించడం జరుగును.
- ఒక కిలోమీటర్లు మరియు మూడు కిలోమీటర్ల పరిధిలో ఏ ఒక్క పాఠశాల లేనట్టు అయితే అప్పుడు మిగిలిన పాఠశాలల లిస్టు చూపించడం జరుగును.
- విద్యార్థి యొక్క వయసు ఆధారంగా స్కూల్ ల వివరాలనేవి చూపించడం జరుగును. లిస్టులో నుంచి గరిష్టంగా 10 పాఠశాలను సెలెక్ట్ చేసుకోవాలి. తరువాత సబ్మిట్ చేయవలసి ఉంటుంది.
విద్యా హక్కు చట్టం అంటే ఏమిటి?
భారత రాజ్యాంగంలోని 21A అధికరణ ప్రకారం, 6 నుండి 14 సంవత్సరాల మధ్య వయస్సు ఉన్న పిల్లలకు ప్రాథమిక విద్య ఒక ప్రాథమిక హక్కు. ఈ హక్కును అమలు చేయడానికి, ఉచిత మరియు నిర్బంధ విద్యా హక్కు చట్టం, 2009లో రూపొందించబడింది. ఇది 2010లో అమల్లోకి వచ్చింది.
విద్యా హక్కు చట్టం, 2009 - సెక్షన్ 12 (1) (c)
ఈ సెక్షన్ ప్రకారం ప్రైవేటు అన్ఎయిడెడ్ పాఠశాలలు, ఒకటవ తరగతి ప్రవేశాల్లో కనీసం 25 శాతం, పాఠశాల పరిసర ప్రాంతాల్లోని వెనుకబడిన మరియు బలహీన వర్గాల పిల్లలకు ఉచిత విద్యను అందించాలి.
ఒకటి నుండి ఎనిమిదవ తరగతి వరకు ఒకటి నుండి ఎనిమిదవ తరగతి వరకు చదువుకోవచ్చు.
RTE 12 (1)(c)
- అమలులోకి వచ్చిన మొదటి సంవత్సరం – 2022-23
- అమలు విధానం – ఇతర రాష్ట్రాలతో పోలిస్తే తేడా
- ఇతర రాష్ట్రాల్లో, ప్రైవేట్ స్కూల్ మేనేజ్మెంట్లకు ప్రభుత్వం ఫీజు రీయింబర్స్ చేస్తుంది.
- ఏపీలో ఫీజు రీయింబర్స్మెంట్స్ను అమ్మఒడితో ముడిపెట్టారు. తల్లిదండ్రులకు అమ్మఒడి సొమ్ము అందిన వెంటనే ప్రభుత్వం నిర్ణయించిన ఫీజులను పాఠశాలలకు చెల్లించాలి.
ప్రాంతాల వారీగా పాఠశాల ఫీజు:
ప్రాంతం | ఫీజు
- పట్టణ | ₹8,000
- గ్రామీణ | ₹6,500
- గిరిజన | ₹5,100
కేటగిరీలవారీగా రిజర్వేషన్ శాతం
- వెనుకబడిన వర్గాలు అనాథలు, HIV బాధితులు, దివ్యాంగులు (5%)
- SC (10%)
- ST (4%)
- బలహీన వర్గాలు BC, మైనారిటీలు, OC (6%)
Total – 25%
ఇతర అర్హతలు
- CBSE/IB/ICSE: 01/04/2018 నుండి 31/03/2019 మధ్య పుట్టినవారు
- State Syllabus: 01/07/2018 నుండి 30/06/2019 మధ్య పుట్టినవారు
సీట్ల కేటాయింపు - దరఖాస్తు ప్రక్రియ
సీట్ల కేటాయింపు - లాటరీ విధానం:
- సంబంధిత సచివాలయాలకు 1 కి.మీ. దూరంలోని పాఠశాలల్లో విద్యార్థులకు సీట్లు కేటాయిస్తారు.
- 1 కి.మీ. పరిధిలో సీటు లభించకపోతే, 3 కి.మీ. దూరం వరకు ఉన్న పాఠశాలల్లోకి ప్రవేశాలు కల్పిస్తారు.
- దరఖాస్తుల అర్హతను ధృవీకరించిన తర్వాత, ఆన్లైన్ లాటరీ ద్వారా విద్యార్థులకు పాఠశాలలను కేటాయిస్తారు.
దరఖాసు చేసే విధానం:
- ఆన్లైన్ పోర్టల్లో http://cse.ap.gov.in/RTE దరఖాస్తు చేసుకోవచ్చు.
- దగ్గరలోని పాఠశాల ప్రధానోపాధ్యాయుడిని సంప్రదించవచ్చు .
- గ్రామ, వార్డు సచివాలయాల్లో, దరఖాస్తులను ఆన్లైన్లో ఉచితంగా సమర్పించవచ్చు.
విద్యా హక్కు చట్టంకి సంబంధించిన కొన్ని పశ్నలు - సమాధానాలు
Q. ప్రైవేట్ పాఠశాలలకు పుస్తకాలు, యూనిఫాంలు మొదలగు వాటికి ఇతర ఫీజులు తల్లిదండ్రులు చెల్లించాలా? పాఠశాలలో మనకు ఎలాంటి సౌకర్యాలు ఉచితంగా లభిస్తాయి?
పుస్తకాలు, యూనీఫాం మొదలగునవి పాఠశాలలు ఉచితంగానే ఇవ్వాలి. పాఠశాలలోని ఇతర విద్యార్థులతో సమానంగా వీరిని కూడా చూడాలి. మధ్యాహ్న భోజనం లాంటి వసతులు ఉండవు.
Q. తల్లిదండ్రులు/సంరక్షకులు పాఠశాలను ఎలా ఎంచుకోవచ్చు?
వారు తమ నివాసానికి ట్యాగ్ చేయబడిన సంబంధిత సచివాలయాలకి 1 నుండి 3 కి.మీల దూరంలో ఉన్న పాఠశాలలను ఎంపిక చేసుకోవచ్చు .
Q. మేము ఇల్లు మారాము కానీ నా ఆధార్ కార్డ్లో మునుపటి ఇంటి ఇంటి చిరునామా ఉంది?
మీరు విద్యుత్ బిల్లును ఉపయోగించవచ్చు.
ఏవైనా సమస్యలుంటే ఎవరు పరిష్కరిస్తారు?
BEO/MEO/DEO లను సంప్రదించవచ్చు. మరిన్ని వివరాలకు ప్రభుత్వ హెల్ప్ లైన్ 18004258599
1 thought on “ap rte private school free admission 2023-2024”