postal ballot : ఎన్నికల విధులలో పాల్గొనే ఓటర్లు తమ ఓటు ఉన్న నియోజక వర్గం కాకుండా ఇతర నియోజక వర్గంలో విధులు నిర్వహించే సంధర్భంలో పోస్టల్ బ్యాలెట్ పొందవచ్చు.
- పోస్టల్ బ్యాలెట్ మీ యొక్క ఓటు ఉన్న సంబంధిత రిటర్నింగ్ అధికారి ద్వారా జారీ చేయబడును. దీనిని మీరు ఎన్నికల విధులు నిర్వహించు నియోజక వర్గం లో పొందుతారు.
Postal Ballot ద్వారా ఓటు వేయడానికి
పోస్టల్ బ్యాలెట్ “ఫెసిలిటేషన్ సెంటర్” నందు మాత్రమే మీకు అందజేయబడును. మీ పోస్టల్ బ్యాలెట్ తీసుకుని వెంటనే అక్కడే “ఫెసిలిటేషన్ సెంటర్” లో ఏర్పాటు చేయబడిన కంపార్ట్మెంట్ లో ఓటు వేయాల్సి ఉంటుంది (మీరు ఏ నియోజక వర్గం ఓటరైనను).
పోస్టల్ బ్యాలెట్లో ఫారమ్లు మరియు కవర్లు
- ఫారం 13 A : డిక్లరేషన్ ఫారం. ఇది పింక్ కలర్ లో ఉన్న ఇన్నర్ కవర్ 1 లో ఉంటుంది.
- ఫారం 13 B (కవర్ A) దీనినే ఇన్నర్ కవర్ 2 అంటారు. ( బ్లూ కలర్, ఇందులోనే బ్యాలెట్ పత్రం ఉంటుంది)
- ఫారం 13 C (కవర్ B) దీనినే అవుటర్ కవర్ అంటారు. ( ఎల్లో కలర్, పెద్ద కవర్)
- ఫారం 13 D : ఓటరు కు సూచనలు.
పోస్టల్ బ్యాలెట్ ద్వారా ఓటు వేయు పద్ధతి
1. ఫెసిలిటేషన్ సెంటర్లో ధృవీకరణ
- మీరు ధృవీకరణ పత్రాలతో ఫెసిలిటేషన్ సెంటర్కు చేరుకోండి.
- పోస్టల్ బ్యాలెట్ ఇంఛార్జ్ అధికారి మీ ధృవీకరణ పత్రాలను తనిఖీ చేసి, మీకు పోస్టల్ బ్యాలెట్ను అందిస్తారు.
2. కంపార్ట్మెంట్లో ఓటు వేయడం
- పోస్టల్ బ్యాలెట్తో కంపార్ట్మెంట్లోకి వెళ్లండి.
- ఫారం 13B (బ్లూ కలర్) కవర్లోని బ్యాలెట్ పత్రాన్ని బయటకు తీయండి.
- బ్యాలెట్ పత్రంపై ఉన్న సీరియల్ నంబర్ను ఫారం 13A (పింక్ కలర్) డిక్లరేషన్ ఫారంపై మరియు ఫారం 13B (బ్లూ కలర్) కవర్పై వ్రాయండి.
- బ్యాలెట్ పత్రంలో మీకు నచ్చిన అభ్యర్థికి X లేదా టిక్ మార్క్ చేయండి.
- బ్యాలెట్ పత్రాన్ని ఫారం 13B కవర్లోనే పెట్టి, గమ్ లేదా గ్లూతో సీల్ చేయండి.
3. గజిటెడ్ అధికారి సమక్షంలో సంతకం చేయడం
- కంపార్ట్మెంట్నుండి బయటకు వచ్చి, గజిటెడ్ అధికారి సమక్షంలో ఫారం 13A డిక్లరేషన్ ఫారంపై మీ పేరు, చిరునామా మరియు సంతకం చేయండి.
- మీ ధృవీకరణ పత్రాలను చూపించండి.
- గజిటెడ్ అధికారి బ్యాలెట్ పత్రంపై ఉన్న సీరియల్ నంబర్ను ఫారం 13A డిక్లరేషన్ ఫారంపై మరియు ఫారం 13B కవర్పై ఉన్న వాటితో సరిచూసి సంతకం చేస్తారు.
4. ఫారం 13A డిక్లరేషన్ ఫారంను సీల్ చేయడం
- ఫారం 13A డిక్లరేషన్ ఫారంను పింక్ కలర్ కవర్లో పెట్టి, గమ్ లేదా గ్లూతో సీల్ చేయండి.
5. ఫారం 13A మరియు ఫారం 13B కవర్లను ఫారం 13C కవర్లో పెట్టి సీల్ చేయడం
- ఫారం 13A డిక్లరేషన్ ఫారంను కలిగి ఉన్న పింక్ కలర్ కవర్ను, బ్యాలెట్ పత్రం కలిగి ఉన్న ఫారం 13B కవర్తో కలిపి, ఫారం 13C కవర్లో పెట్టండి.
- ఫారం 13C కవర్ను (ఎల్లో కలర్, పెద్ద కవర్) గమ్ లేదా గ్లూతో సీల్ చేయండి.
6. ఫారం 13C కవర్ను స్టీల్ ట్రంక్ బాక్స్లో వేయడం
- ఫారం 13C కవర్ను అక్కడే ఉన్న స్టీల్ ట్రంక్ బాక్స్లో వేయండి.
ముఖ్యమైన పాయింట్లు
- ఓటు వేయునప్పుడు గోప్యత/రహస్యత ను పాటించాలి.
- బ్యాలెట్ పత్రం గల ఫారం 13 B (కవర్ A ) ను కంపార్ట్మెంట్ లోనే సీల్ చేయాలి.
